احسن طريقة تلم بيها المذاكرة المتاخرة

مشكلة تراكم المذاكرة من اكتر المشاكل اللي بتضايق الطلبة و تحسسهم بالضغط النفسي و ان الطالب مقصر في المذاكرة او مش ملاحقيخلص اللي وراه علشان عمال يذاكر في مذاكرة قديمة متأخرة و هنا يجي السؤال 

اية اسباب تراكم المذاكرة

في اسباب كتير ممكن تخلي المذاكرة تتراكم عليك تتلخص في انك مذاكرتش الدرس في يومه و اجلته ودا ممكن يكون بسبب:

١-خروجة فنص الأسبوع

يوم التلات في نص الاسبوع وانت منتظم علي المذاكرة و عامل حسابك انك هتروح تذاكر .. صحابك: احنا نازلين القهوة انهاردة اهو حاجةجديدة برضو ما تيجي ! و تنزل علي اساس انك هتقعد ساعتين تلاقي اليوم خلص منغير ما تذاكر اللي اتشرح فيه و يجي يوم جديد بدروس جديدة اتشرحت و دوشةجديدة محتاج تذاكرة 

٢-امتحان شهر

من الأسباب اللي بتتسبب في ان المذاكرة تتراكم عليك هي انك تركن المواد و الدروس اللي بتتشرح علشان تذاكر لامتحان الشهر اللي جايو تراجع علي الحاجات اللي داخله فيه ، و تيجي بعد ما اسبوع الامتحانات دا يخلص او امتحان الدرس تلاقي عليك حبة حلوين متاخرينلازم تذاكرهم و لسة الشرح شغال و حاجات جديدة بتتقال

٣-تعبت

طلبة كتير تتعب من المذاكرة او تزهق فا تقرر تدي نفسها اجازة من المذاكرة “هصحي الفجر اذاكر انا مش قادر دلوقتي” او بمقياس اكبر ياخدله يومين تلاتة اجازة من المذاكرة

خطوات حل المشكلة

١-اكتب الحاجات المتراكمة عليك في ورقة

ورقة و قلم و اكتب معايا اسماء و عناوين الحاجات المتاخرة دي بشكل منظم يعني: “اسم المادة :…. اسم الجزء المتاخر ١ … اسم الجزءالمتاخر ٢ …..”

٢-وزع علي جدولك كل يوم حاجة

بعد ما تحدد الحاجات اللي متاخرة و تعرف بالظبط اية اللي وقع منك خلال الفترة اللي فاتت ابتدي وزع الحاجات دي علي جدول مذاكرتك وحط كل يوم حاجة معينه او اكتر يعني مثلاً انت بتذاكر الاثنين احياء و التلات كيميا و أنت متاخر عليك جزئيتين في العربي فا تقوم مذاكرةجزء مع الاحياء يوم الاتنين و جزء مع الكيميا يوم التلات

مميزات الطريقة دي

١-هتخلص اللي عليك

بعد يومين مثلا (زي المثال اللي فوق) او اياً كانت المدة اللي هتحددها علشان تخلص فيها اللي ورك بنائا علي كمية الحاجات المتاخرة وجدول مذاكرتك هتلاقي انك خلصت كل اللي متراكم عليك و مفيش حاجة متاخرة و فنفس الوقت انت بتذاكر اللي بيتشرح اول باول 

٢-هترتاح في المراجعات 

لما يجي وقت المراجعات في اخر السنة او قبل امتحان نص السنة هتلاقي انك ماشي مع الشرح و مفيش حاجة متاخرة مش هيبقيالمدرسين بيراجعو او الدكاترة وانت لسة بتقول يا مسهل و تفتح الكلام لاول مرة

٣-هتلاقي الدنيا اسهل

احساسك انك مخلص اللي وراك و مفيش حاجة ضغطاك او مضايقاك هيسهل الدنيا عليك كتير في المذاكرة و هيحسن نفسيك و يخليعندك اقبال علي المذاكرة بعكس الهروب و الخوف من كتر الحاجات اللي المفروض تذاكرها و مش ملاحق 

سلبيات “هخلص كله مره واحدة” 

١-هتزهق بعد فترة

زي ما قلنا احساسك بانك متاخر و وراك مذاكرة كتير بيضغط عليك نفسياً و يضايقك و انك تفضل تذاكر في حاجات متاخرة و مش ملاحقتوصل للجديد اللي بيتقال هتلاقي مع الوقت حماسك ابتدي يهبط 

٢-هتفضل تذاكر حاجات متأخرة علي طول 

زي ما تكلمنا في النقطة اللي فاتت ان طول مانت بتذاكر في القديم و بتحاول تخلصة و لسة في حاجات جديدة بتتشرح هتلقي انك عليطول بتذاكر في حاجات قديمة و متراكمة و مش ملاحق تذاكر الجديد اول باول 

[adinserter block=”6″]